Beiträge von Jones

  • Probleme mit der Polizei

    dass me uf velostreife nid sött parkiere, sött me doch wüsse? da brucht me kes büechli derzue das het mau mau glernt... ;)
    i gah immer uf google und gibe "admin" und "obv" i, wenni öpis wott wüsse! das PDF wo denn chunnt hesch mit CTRL +F schneller durchsuecht als jedes büechli uf dere wäut!


    i warte o immer no uf d'poscht wo's mi blitzt het vor knapp 2 wuche...

  • Medienmitteilungen

    äbe da gsehsches doch! es ISCH scho igstellt worde, also scho ungersuecht worde! (und d'beschwärdechammere vom obergricht het das bestätigt)
    d.h. auso nid, dass d'cops eifach druflosballere chöi, ohni dass es ungersuecht wird!


    dass er's itz NOMAUvore richter wott hole bzw gholt het, findi e frächheit und DAS zahlt itz äbe wieder dr stüürzahler!
    und wenns' itz no vors BG geit, grad nomau!


    istellig het immer e fade nachgschmack! wenn e polizeifründleche staatsawalt das verfahre igsteltl het, cha d'gägepartei immer argumentiere, es sigi nid suber gloffe oder so! wenn's vore richter chunnt und denn freigsproche wirsch, macht das dr besser idruck!


    d.h. aber nid, dass me wäge däm jede fall nomau ufrolle söu! äbe 1. wäg de chöschte und 2. wiu denn die entsprächende lüt nomau paar jahr im verfahre si (nachteil hani obe scho erwähnt! )


    alles klar itz? :)

  • Medienmitteilungen

    Zitat von Tomcat

    Iistellig heisst, dass sogar d'Staatsawaltschaft gfunde hät, es gäbi kei Grund für ne Aaklag. Isch also wäsentlich besser, als wenn erscht s'Gricht gfunde hätti, en erfolgti Aaklag seig ned berächtiget gsy...

    tönt guet, isch aber falsch! ;)

  • Medienmitteilungen

    er het im fau nid i d'luft gschosse sondern sich e schusswechsel mit dr polizei gliefert und DENN si d'grenis ine! ;)
    so steits zumindest i de medie: "gezielt auf polizisten geschossen"


    stüürgälderverschwändig vom feinsten! dr awalt seit merci! :!: :!:


    Bubi: brucht ke duden zum merke, dass du jede v miteme f verwächslisch!

  • Medienmitteilungen

    Zitat von Bubi

    ich ferschta din punkt mit em pflichtferteidiger scho, aber grundsätzlich isch es scho richtig und wichtig, pflichtferteidiger z'ha. wär ja haarschträubend wänn mer sich nume for gricht ferteidige chönt, wämer entschprächend gnueg gäld im sack häd, oder?
    zuegä, es brucht fill bis de tatbeschtand fo muetwilliger prozässfüerig erfüllt isch, aber je dümmer/sinnloser/ussichtsloser d'beschwärde, deschto weniger gits für di obere inschtanze z'tue. dänn choschted es bger-urteil mängisch au nume es paar franke.

    i bi nid grundsätzlech dergäge, überhoupt nid! es wär ja e witz, wenn sich nume vermögendi (oder settig mit rächtsschutz) chönnte verteidige! aber das ganze, was ig obe beschriebe ha, het leider system!
    und o wenn das stimme würd, dass bi so klage es BG schneller urteilt, isches doch e huere langi zyt, wo eine agchlagt isch, was e mentali belastig isch! durend wieder gah ussäge, durend die ungwüssheit, oft beförderigsstopp (und somit lohnstopp) während dere zyt, wo oft jahre chöhi si!


    das obe isch doch z'beschte bispiu schlechthin! e amokläufer, waffe zuhauf, todesliste, schiesst uf beamti... was wott me DA no abkläre vor gricht? da isch d'schussabgab eifach sooooowas vo berächtigt gsi und trotzdäm verdient sich itz no sone awalt e goldigi nase für nüt! und wär zahlts? richtig: du und ig! :evil:

  • Medienmitteilungen

    Zitat von Bubi

    ihr händ mer ja en intressanti forschtellig fom rächtsschtat... <what> <nervous>

    ja luegs mau so a: das sie genau die, wo jede scheiss ums verrecke vore richter wei bringe und's dür sämtlechi instanze dürezieh! und das, obwohl's vo afang a klar isch, dass es ke chance uf erfolg het! warum? wiu dr staat ja schön d'rächnige zahlt statt der herr sozialhilfbezüger oder knaschti! ;)


    by the way: du hesch e interessanti vorstellig vo rächtschriebig! :-D

  • Der Autoscout & co. Thread

    was genau isch ame 17 jährige outo mit 80'000 km neuwärtig?
    er isch sicher nid abegruechet wie 90% vo de crx dert usse aber neuwertig isch de doch chli öpis anders... :rolleyes:
    zudem laht de bodeteppich ufe fahrer schliesse und das heisst nüt guets füre motor!
    und de pris erwähne mir besser gar nid! :whistling:

  • Medienmitteilungen

    muesch scho bire outobahnbolisei frage wenn so sache wosch wüsse und nid ime korps, wo dert zueständig isch, wos gar ke outobahn het!


    würde sie dert mau e blitzer anestelle chönnts sie d'staatsfinanze grad saniere!

  • Medienmitteilungen

    i ha ke ahnig ob das so isch! ghöri aber zerschte mau!


    aber bi 85 im 60er uf dr outobahn isch dr lappe sicher nid wäg! ;)


    das si nämlech 25 z'viu und das isch sogar no e ordnigsbuess!
    und ab 26 z'viu gits e verzeigig, was nid zwingend e entzug isch... ;)